गजल

हरि सिंह माल "मुस्कान"
गोकुलेश्वर,बैतडी 

यति धेरै माया दियौ लुकाउनलाई ठाउँ छैन !

दुखेको यो आलो घाउ दुखाउनलाई ठाउँ छैन !!

उकाली र ओरालीमा तिमी संगै रमाउदा !

दिएका  तिम्रा गुण चुकाउनलाई ठाउँ छैन !!

आफु भन्दा बढी माया तिमीलाई गर्थे काली !

बाटेका ती प्यारका डोरी फुकाउनलाई ठाउँ छैन !!

कति रोए जीवनमा तिम्रो साथ् नपाउदा !

अनमोल यी  आँशु सुकाउनलाई ठाउँ छैन !!

गाउँ देखि शहर सम्म कुरा काटे सबले यहाँ !

समाजमा  झुक्यो शिर झुकाउनलाई ठाउँ छैन!!

हरि सिंह माल "मुस्कान "

गोकुलेश्वर , बैतडी