गजल
बल्ल मलाई थाहा भयो तिम्रो कथा पढेपछि !
सोध्न आई बस्यौ अरे बिस्तरामा लडेपछि !!
जिन्दगीको चौतारीमा साथ सधैँ दिन्छु भनि !
निभाउन खोज्यौ तिम्ले डढेलोमा डढेपछि !!
बाँचा गर्यौ चौतारीको बर पिपल साक्षि राखी !
पिरतिको तिखो काँडा मुटुभित्र गढेपछि !!
माया गर्छु धोका दिन्न सयौ जुनी सँगै भनि !
हात दिन आयौ अरे नदि दोभान अडेपछि !!
नबगाउ आँशु अब अर्कै सँग नाता गाँसी !
पराईको अँगालोमा जन्ती डोली चढेपछि !!
हरि सिंह “माल”
गोकुलेश्वर ,बैतडी
महाकाली ,नेपाल .
गजल
बैसालु त्यो जोवन तिम्रो सकिन नि किन्न नानु !
जाली रैछ तिम्रो माया सकिन नि चिन्न सानु !!
धेरै दिए माया प्रिती सजाए नौ तिमीले नै
भयो अब नआउ यता बाँकी दिल दिन्न सानु !!
मुटु अनि धड्कन भित्र सजाएर राखेको थे !
नाता तोडी अन्तै गयौ मन भयो खिन्न सानु !!
धेरै भयो छुटेको नि अब माया मार्यौ होला !
पुग्यो अब चाहिदैन तिम्रो माया लिन्न सानु !!
बाँचा बन्धन खाएका थे संगै जिउने मर्ने भन्दै
त्यो बचनले लगाएको ऋण अब छिन्न सानु !!
हरि सिंह माल "मुस्कान"
गोकुलेश्वर , बैतडी
सुन्दर सुदुर पश्चिम
.jpg)
Posts
All Comments
