गजल

गजल 

बल्ल मलाई थाहा भयो तिम्रो कथा पढेपछि !

सोध्न आई बस्यौ अरे बिस्तरामा लडेपछि !!

जिन्दगीको चौतारीमा साथ सधैँ दिन्छु भनि !

निभाउन खोज्यौ तिम्ले डढेलोमा डढेपछि !!

बाँचा गर्यौ चौतारीको बर पिपल साक्षि राखी !

पिरतिको तिखो काँडा मुटुभित्र गढेपछि !!

माया गर्छु धोका दिन्न सयौ जुनी सँगै भनि !

हात दिन आयौ अरे नदि दोभान अडेपछि !!

नबगाउ आँशु अब अर्कै सँग नाता गाँसी !

पराईको अँगालोमा जन्ती डोली चढेपछि !!

हरि सिंह “माल”

गोकुलेश्वर ,बैतडी

महाकाली ,नेपाल .