एउटा चिठ्ठिको, उत्तर आएको छ

एउटा चिठ्ठिको, उत्तर आएको छ ।। 
उत्तर के भनौं , जहर आएको छ ।।

हिजो केहि वर्ष, कुरेर बस भन्नेको 
फेरीएको जवाफ, भर्खर आएको छ ।।

प्रेमको सिमा हुँदैन, भन्ने गर्थी उ
हो त्यो अठोटमा, बदर आएको छ ।।

आँखा चिम्लेर मुटुमा, बास दिँदाखेरी
हत्यारा मनसाय, बर्बर आएको छ ।।

मायाँको सागरमा, खडेरि परेछ नी
पत्थरहरु लिइकन, बगर आएको छ ।।

शीतालाई राम, अस्विकार भएपछी त
श्रद्धाञ्जलिहरुका लास्कर आएको छ ।।
रामशरण श्रेष्ठ
चिसापानी ६, रामेछाप