पिउने तिमी पिलाउने दाता खोज्नु पर्यो ,

पिउने तिमी पिलाउने दाता खोज्नु पर्यो ,

शान्ति अधिकारी बाके २०६९

सबै कुरा मिलाउने दाता खोज्नु पर्यो ।

टर्रो बोलि व्यवहारले मनै फाटि सक्यो , त्यही मन सिलाउने दाता खोज्नु पर्यो ।

परीश्रम गरे खेती हुन्छ भन्दै थिए , पाखो बारी जिलाउने दाता खोज्नु पर्यो ।

आन्तरीक द्धन्द भित्र पिल्सि बसेकालाई , अधिकार दिलाउने दाता खोज्नु पर्यो ।

सधै रुदै बाँचेकालाई 'शान्ति' दिए पछि , असिना झै बिलाउने दाता खोज्नु पर्यो ।

शान्ति अधिकारी बाके २०६९

Posted by हाम्रो बैतडी .बलगस्पोट .कम 9:41 AM 0 comments

ओइलायो फुल चारै तिर झार छ आज

ओइलायो फुल चारै तिर झार छ आज !

सरु कार्की सिन्दुपल्चोक ,रामपुर २

किन किन खै मन यो मन दोधार छ आज !!

मुखमा राम बगलीमा छुरा भिर्ने भिड भित्र ! रोमालिए केवल आशा आधार छ आज !!

भनाइ र गराई मा आकाश पाताल फरक भेटे ! म हिड्ने बाटोमा तरवारको धार छ आज !!

आखा चिम्ली गरेको बिस्वास को क्ष्यति भयो ! हिड्न खोज्छु खुट्टा बन्ने तार छ आज !!

बाचा र बोलीमा टुंगो नहुने प्राणी मानिस रैछ ! उफ्फ़ मान्छे हुनु पनि केवल बेकार छ आज !!

सरु कार्की सिन्दुपल्चोक ,रामपुर २

Posted by हाम्रो बैतडी .बलगस्पोट .कम 11:32 PM 2 comments

लेखेको रैन्छ कर्मैमा तिमि मेरो हुन् !

लेखेको रैन्छ कर्मैमा तिमि मेरो हुन् !

हरि सिंह माल "मुस्कान "
गोकुलेश्वर , बैतडी

पर्दैन भो तिमीले अब मेरो लागि रुन !!

भो भो अब नहुनु थ्यो भैसक्यो सब कुरो !

अब बर्थ्यौ किन पर्योर आशुले मुख धुन !!

मलाई छोडी नाता तोडी अन्तै गए पनि !
याद सम्झी मन लाग्छ तिम्रै फोटो छुन !!

नाना थरि सपना देखाई तिम्रै भरमा परे !
मुटु भित्र छुरा रोपी कस्तो लायौ गुण !!

हरि सिंह माल "मुस्कान "
गोकुलेश्वर , बैतडी
सुन्दर सुदुर पश्चिम

Posted by हाम्रो बैतडी .बलगस्पोट .कम 7:54 AM 0 comments

मलाई सम्झि एकान्तमा रुन्छौ कि त माया ,...

मलाई सम्झि एकान्तमा रुन्छौ कि त माया ,

शान्ति अधिकारी बाके २०७०

देख्लान् भनी झ्याल ढोका थुन्छौ कि त माया ।

राम्रो कुरा सुन्या छै्रन टाढा भए देखी , मलाई भुल्न नशामा नै हुन्छौ कि त माया ।

बेहोसीमा ठिकै छु म भनी ढाटे पनी , माफ गर भन्दै तस्बिर छुन्छौ कि त माया ।

छुटे पछी चोखो माया पीडा भित्र जिउदै , मैले जस्तै आँशुले मुख धुन्छौ कि त माया ।

बाँच्नु किन भन्छौ अरे नपाउदा ‘शान्ति’ , डर लाग्छ गलत बाटो चुन्छौ कि त माया ।

शान्ति अधिकारी बाके २०७०

Posted by हाम्रो बैतडी .बलगस्पोट .कम 7:50 AM 0 comments

हल्ला सुन्छौ यसपाली नि, ठुल्ठुला नेता हार्छन भन्ने...

हल्ला सुन्छौ यसपाली नि, ठुल्ठुला नेता हार्छन भन्ने

मान बहादुर के सि ( मुस्कान देऊडाप्रेमी ) सँगमटोल टिकापुर ७

चुनाव मिती केहि महिनालाई, अझै पछि सार्छन भन्ने

पाच बर्ष त्यसै बिताए, एक अर्का लाई आरोप लाऊदै फेरि पनि लुटपात गर्दै, देश लाई पछि पार्छन भन्ने

आमसभा र चुनाव प्रचारमा, करोडौ रुपैया खर्च गरि गाऊ बस्तिमा फेरि यिनले, हेलिकप्टर झार्छन भन्ने

तराई मा बाढि आउँदैछ, पहाड तिर पहिरो गाछ जे भएनि नेताले आफ्नो, नाव पार तार्छन भन्ने

चुनाव आए मेढक जस्तै, जिल्ला जिल्लामा आएर गरीब सोझा जनतालाई, आपसमै लडाई मार्छन भन्ने

मान बहादुर के सि ( मुस्कान देऊडाप्रेमी ) सँगमटोल टिकापुर ७ डौनपुर कैलाली हाल- फुजईराह यू.ए.ई. मोबाईल- 00971-558523108 / 508627757 Skype- muskan20401

Posted by हाम्रो बैतडी .बलगस्पोट .कम 7:46 AM 0 comments

देऊडा भाग २ ....मुस्कान देऊडाप्रेमी ..........

========= देऊडा भाग २ =========

दाई- या मेरो मुटु जलाउन्या त्यसो क्यान भनि साथीभाई सँग       भेट्न्या बस्या छौ दिन गनि भाई- सोग चिन्ता केई जन मान्नु खानु दन दन "बि" सँग भेट हुन्या दिन गन्छौ भन पन दाई- गीत फेरि जम्दा भया दाई भाई दुईका मुटु च्यास्स भयो मेरो कुरा गरि उईका भाई- अस्ति पनि लेख्याका छ्या सपनामा आई अब मैले कहाँ छोड्छौ "बि"को पत्ता नलाई दाई- कति आया कति गया "बि"को पत्ता लाउन्या नाऊ गाऊ नै थाहा छैन भन्या कसहरि राउन्या ? भाई- जासजुस गर्न लाग्याको छौ पहिला का छ्या जादा कसम खाया "बि"को पत्ता लगाई छोड्छौ दादा दाई- बानी तलाई थाह छैन कि तेरा "मुस्कान" दाईको कति दम छ बिचार गर्छौ मैले पनि भाईको भाई- "बि" पत्ता नलागौ भनि देवी देऊता भाक फेसबुक मै फोटो पोस्ट गर्छौ हेरी मात्रै राख

दाई र भाईका कुरा यहाँ पनि सकिएन यो देऊडाको भाग ३ मा ?????????????????????

दाई- पहिले पत्ता लगा उसको सक्छै भन्या तैले कसम खाया भाई तुलाई च्यालेन्ज दिया मैले

मान बहादुर के. शी. ( मुस्कान देऊडाप्रेमी ) सँगमटोल टिकापुर ७ डौनपुर कैलाली हाल- फुजईराह यू.ए.ई. मोबाईल- 00971-558523108 / 508627757 Skype- muskan20401

Posted by हाम्रो बैतडी .बलगस्पोट .कम 10:16 AM 0 comments

भ्रष्ट अनि अपराधिको सञ्जाल बढे पछी ,

भ्रष्ट अनि अपराधिको सञ्जाल बढे पछी ,

शान्ति अधिकारी बाके २०७०

काम बिना लुटी खाने चण्डाल बढे पछी ।

कसरी देश उभो लाग्ला भन्देउ नेपाली हो , नेता ज्यू कै घर भित्र धनमाल बढे पछी ।

गाह्रो हुन्छ भत्काउन बिचार गर आजै , सीमा मिच्दै लागाएको प्रखाल बढे पछी ।

समस्याले आक्रान्त छन् गरीब सधै यहाँ , बाँच्न गाह्रो महङ्गि नै हरसाल बढे पछी ।

मात्र एक प्रश्न थियो जवाफ नदिई टार्यौ , टार्न सक्छौ ? जनताको सवाल बढे पछी ।

शान्ति अधिकारी बाके २०७०

Posted by हाम्रो बैतडी .बलगस्पोट .कम 10:03 AM 0 comments

देउडा गीत,

देऊडा 

मान बहादुर के. शी. ( मुस्कान देऊडाप्रेमी ) मंगल्सैन ८ अछाम, हाल- फुजईराह यू.ए.ई.

केटा- एक पइयो टुटेर पड्यो मुम्बई रेल गाडीको फल खान पाईन्या होकि तेरा फुल बाडीको ?

केटी- अछाम रोड पक्कि भयो दौडन लाग्या गाडी फल खान पाईदो छ क्या अर्काका फुलभाडी ? 

केटा- केई फल चरिले खायो केई फल झरि खोला रुखै पाकी झर्नु भन्दा म खाया क्या होला ?

केटी- धेरै आँखा जन लगा पाक्याका फुलभाडी फल खाईजा कसरि भनु अर्काको हो बाडी ?

केटा- मैले त छुट्याउन पाईन सुन होईकि पितल खान दे पाक्याको दाना बसि जाऊ सितल ?

केटी- तबै तु गीत भन्दो होई कुरा बुझिकन फल खान दिदैन म त्यसा मुझिकन ?

केटा- नखानदिया पाक्याका फल काई रुखैमा कुन्ना

तेरो रस तुस्न्या अरु मै जस्ता कोई हुन्ना ?

मान बहादुर के. शी. ( मुस्कान देऊडाप्रेमी ) मंगल्सैन ८ अछाम, हाल- फुजईराह यू.ए.ई. मोबाईल- 00971-558523108 / 508627757 Skype- muskan20401

Posted by हाम्रो बैतडी .बलगस्पोट .कम 7:05 AM 0 comments

गजल .......अजम्बरी नाता साथीको भनी जाने आज !

      गजल

हरि सिंह माल "मुस्कान"
गोकुलेश्वर , बैतडी
सुन्दर सुदुर पश्चिम

अजम्बरी नाता साथीको भनी जाने आज !
रगत भन्दा भावनाको ठुलो माने आज !!

जोडेको छु जीवनमा थुप्रै थुप्रै साइनोहरु !
सबैभन्दा चोखो पनि साथीको नै छाने आज !!

आफ्नो भन्ने कोही छैन क्षितिज पारि यहाँ !
दुख र सुखमा साथ दिने साथि ठाने आज !!

मिठो बोल मिठो हाँस दुइ दिनको जिवनमा !
बेकारमा चित्त दुखाई के नै छ र लाने आज !!

हातमा बोतल थालमा सुकुट्टी रमाइलो गर्न !
मित्रता दिवस मनाइ साथी संगै खाने आज !!

हरि सिंह माल "मुस्कान"
गोकुलेश्वर , बैतडी
सुन्दर सुदुर पश्चिम

Posted by हाम्रो बैतडी .बलगस्पोट .कम 6:44 AM 0 comments

गजल ....... यता छाडी अन्त कतै फूलेका त छैनौ होला ,

शान्ति अधिकारी
बाके २०७

गजल

यता छाडी अन्त कतै फूलेका त छैनौ होला ,
बेहोसिमा कही कतै खुलेका त छैनौ होला ।

नाना थरी प्यास बोकी डुल्छ मान्छे यत्र तत्र ,
योवनको प्यास मेट्न डुलेका त छैनौ होला ।

यसै भन्न गाह्रो हुन्छ मायाको त्यो नशा भित्र ,
क्षण भर भुलाउन झुलेका त छैनौ होला ।

अविश्वासको आँधि चल्दा सोच्न बाध्य पारी दियो ,
त्यो मनमा अरु कोही हुलेका त छैनौ होला ।

प्रतिक्षाको लामो घडी तड्पाईमा काटेकी छु ,
खाएका ति वाचा कसम भुलेका त छैनौ होला ।

शान्ति अधिकारी
बाके २०७०

Posted by हाम्रो बैतडी .बलगस्पोट .कम 6:38 AM 0 comments

देऊडा .....मान बहादुर के. शी.

देऊडा 

मान बहादुर के. शी. ( मुस्कान देऊडाप्रेमी ) सँगमटोल टिकापुर ७ डौनपुर कैलाली

दाई - आज दिउसो मुम्बईबाट मिसकल आयो मलाई फोन गर्दा त्यो रहेछ मेरै गाउल्या भाई 

भाई- ढोग गर्या दाई त्या तुम्रो हाल खबर कस्तो छ यू.ए.ई. गई हजुर मलाई भुल्लि ग्या जस्तो छ 

दाई - तु त घर गयाको छि फर्की कईल आई नौकरी चल्याकै छ कि सञ्चै छैकी भाई 

भाई- एक महिना भयो दाई मलाई घर है आयाको सम्झन्छौ कि हजुर कईलई एक साथै खायाको

दाई - धुरुक्क रुदो छौ सम्झि म या कठै दैन त्या का जस्तो मोज मस्ति यू.ए.ई.मा छैन 

भाई- काई दु:ख पाया का छौकी त्यस्तो भन्या क्यान यता उता मन न लाउन काममा राख्नु ध्यान 

दाई- पार्टी हुदाई छन् कि भाउल्या शनिबार साँझ पाच छ जना साथै हुन्थ्याउ एक्लै छौ या आज 

भाई- त्यस्ता पार्टी दिन्या खालका कोइ छैन दाई साथी भाई क्या चाइन्या हुन तुम्रा त "बि" छदाई

मान बहादुर के. शी. ( मुस्कान देऊडाप्रेमी ) सँगमटोल टिकापुर ७ डौनपुर कैलाली हाल- फुजईराह यू.ए.ई. मोबाईल- 00971-558523108 / 508627757 ईमेल- shanti.sns2008@gmail.com

Posted by हाम्रो बैतडी .बलगस्पोट .कम 6:33 AM 0 comments

देऊडा ........आमा हजुरले मेरा लागि जो कष्ठ उठाया .....

                        देऊडा 

मान बहादुर के सि ( मुस्कान देऊडाप्रेमी )

मंगल्सैन ८ अछाम 

१) आमा हजुरले मेरा लागि जो कष्ठ उठाया 
नौ महिना गर्भमा राख्या धेरै दु:ख पाया 

२) रुया बेला दुध पिलाया छोडि सबै काम
हाथ समाई हट्न सिकाया कठै मेरि आमा 

३) ढाई बर्ष दिया हजुरले काखको शितल छाया
अन्त काई नपाईदो रैछ आमा बुवाको माया 

४) बुवाले कमाई जमाई स्कुलमा पढाई
घुमाउदा छ्या सानै छदा आफ्नै कानमा चढाई 

५) पढाया लेखाया मलाई केई बनला भनि
धेरै दु:ख खाया बुवा हजुरले पनि 

६) "मुस्कान"धारा आशु बग्छन् अइल ति दिन देखि
सात समुन्द्र पार पुग्या उल्टो पढि लेखी 

७) बुढेसकाल आमा बुवाको सेवा गर्न पाईन
थुक्क मेरा फुट्या कर्म कईलई शुख आईन 

८) घर बुढा आमा बुवा मलाई सम्झी रुना
उनको सेवा गर्न छाडि म यू.ए.ई. कुना

मान बहादुर के सि ( मुस्कान देऊडाप्रेमी )

मंगल्सैन ८ अछाम हाल- फुजईराह यू.ए.ई.
मोबाईल- 00971-558523108 / 508627757
ईमेल- shanti.sns2008@gmail.com

Posted by हाम्रो बैतडी .बलगस्पोट .कम 6:33 AM 0 comments

फूल भनि सजाकोथे काडाँ बनि घोचेर गयौ

फूल भनि सजाकोथे काडाँ बनि घोचेर गयौ

मीना पुमा राई
खोटाङ्ग

मुटु भित्रै राखेकोथे कुन्नि के के सोचेरगयौ

गुनासो छैन मलाई जुन डालीमा फुल्छौ फूल
हाँगामै झुल्छौ या पातमा जहाँ झुल्छौ झुल
कोमल मेरो छातीमा तिखो छुरा रोपेर गयौ
मुटु भित्रै राखेकोथे कुन्नि के के सोचेरगयौ

अजम्बरी भै बाँच चाहे ओइलिएर् भुइँमा झर
तिमीलाई कै भन्दिन जे मन लाग्छ त्यहि गर
निशासिदो बादल भित्र मलाई एक्लै छोपेर गयौ
मुटु भित्रै राखेकोथे कुन्नि के के सोचेरगयौ

फूल भनि सजाकोथे काडाँ बनि घोचेर गयौ

फूल भनि सजाकोथे काडाँ बनि घोचेर गयौ

मुटु भित्रै राखेकोथे कुन्नि के के सोचेरगयौ

मीना पुमा राई
खोटाङ्ग

Posted by हाम्रो बैतडी .बलगस्पोट .कम 8:01 AM 0 comments

आशाको दियो जलेन भने मरेछ नभन्नु !

आशाको दियो जलेन भने मरेछ नभन्नु !

रबिन प्रधान "प्रतिक" 
खोटाङ्

जिउने झिनो सहारा पनि टरेछ नभन्नु !!

पर्खेर कति बसेकि हौली खबर नहुँदा !
मारेर माया समुन्द्र पारि तरेछ नभन्नु !!

खाएको थिएँ बाचा त मैले फर्केर आउंछु !
सन्देश सुन्दा घटना भित्र परेछ नभन्नु !!

सम्हाली राख सजाई कुनै मुटुको कुनामा !
म तिम्रै काले पराई सिउँदो भरेछ नभन्नु !!

महल खोज्दै शहर भरि बिर्सेर प्रित यो !
छोडेर झुप्रो बसाई अन्तै सरेछ नभन्नु !!

बिबस भई बाँच्नु नै पर्छ दैबको खेलमा !
भेट्टीने हाम्रो दोबाटो बन्द गरेछ नभन्नु !!

रबिन प्रधान "प्रतिक" 
खोटाङ्

Posted by हाम्रो बैतडी .बलगस्पोट .कम 7:38 AM 0 comments

नारी माथि हत्या हिंशा बन्द गर्नु पर्छ !

नारी माथि हत्या हिंशा बन्द गर्नु पर्छ !

हरि सिंह माल "मुस्कान"
गोलुलेश्वर , बैतडी 

चोर डाका गुण्डा जति सबै मर्नु पर्छ !!

सृस्टिकी सिर्जना गर्ने तिनै नारी हुन् !
बलात्कारी पापीलाई त किरा पर्नु पर्छ !!

महिला माथि सधै हुने अत्याचार रोक्न !
गाउँदेखि शहर सम्म बिरोधमा उतर्नुपर्छ !!

चुलो देखि चौका सम्म घरको काम पुरै !
नारी पनि पुरुष सरह भन्ने ज्ञान छर्नुपर्छ !!

काली देवी उग्र चण्डी महाकाली रुप धर्ने !
महाकाल जस्तै भनि अलिकति डर्नुपर्छ !!

हरि सिंह माल "मुस्कान"
गोलुलेश्वर , बैतडी
सुन्दर सुदुर पश्चिम

Posted by हाम्रो बैतडी .बलगस्पोट .कम 7:29 AM 1 comments

घृणा गर्छौ मन अन्तै फर्के पछि थाहा पाएँ !

घृणा गर्छौ मन अन्तै फर्के पछि थाहा पाएँ !

रबिन प्रधान "प्रतिक" 
चिसापानी, खोटाङ्

अछुत भनि सुनपानी छर्के पछि थाहा पाएँ !!

सानो जात कहलिएँ तिम्रो ब्यवहार देखि !
छोइन्छ कि भनि पर तर्के पछि थाहा पाएँ !!

तिमी र म सँगै ज्यूनु सँगै मर्नु नहुने भो !
मिठो बोली बोल्दा पनि झर्के पछि थाहा पाएँ !!

बाँच्नलाई गार्हो रै'छ बिछोडको घाऊ सहि !
शिशा सरी मुटू मेरो चर्के पछि थाहा पाएँ !!

रुँदा खेरि किन भन्यौ मुल्य छैन त्यो आँसुको ?
बर्षाद झै अश्रु धारा दर्के पछि थाहा पाएँ !!

रबिन प्रधान "प्रतिक"
चिसापानी, खोटाङ्

Posted by हाम्रो बैतडी .बलगस्पोट .कम 7:13 AM 0 comments

"गाउँले" आज शहरिया भयो दाम भएर

"गाउँले" आज शहरिया भयो दाम भएर

उ साहित्यकार भयो"गुरुवाली"नाम भएर

बिनोद सेन पाल्पाली 

पाल्पा 

खाएका कसम "मिलन"नभई बिछोड भयो
"सिरु"विरक्ति भैई मायाँमा छल-छाम भएर

"भावुक"निकै एकोहोरो हुन्छ "प्रकिति"देखेर
"कृष्ण"मुरली फुक्छ गोपिनी डाक्ने काम भएर

"अस्मि" "सावित्री" खिलाफी" "ढोली"गजल कोर्छ
"नविन"शैलीमा उर्जाशील, फेसबुकमा ठाम भएर

"रन्जना"ईस्वर प्रति दत्यचित्त भई "भक्ति" गर्छे
"पार्वती"सुसार गर्छे "महादेव"पतिको सांम भएर

बिनोद सेन पाल्पाली 

पाल्पा 

Posted by हाम्रो बैतडी .बलगस्पोट .कम 7:26 AM 0 comments

अस्तित्वको लडाँई, जारी रहनेछ

अस्तित्वको लडाँई, जारी रहनेछ

साबित्रा लुइँटेल घिमिरे
झापा बिर्तामोड

जब सम्म पिठ्युमा भारि रहने छ |

कर्मले डोर्याएर जता लगे पनि
दु:ख सदैब वारि -पारि रहनेछ |

जिन्दगीको डोरलाइ अगाडी बडाउन
हरपल अगाडी नारि रहनेछ |

भोली देश हराएको सुचना आउला
वैरीले सिमा स्तम्भ सारी रहनेछ |

पैसाको अहमता बोक्नेहरु संधै
जता सुकै गए नि भिखारी रहनेछ |


साबित्रा लुइँटेल घिमिरे
झापा बिर्तामोड

Posted by हाम्रो बैतडी .बलगस्पोट .कम 7:08 AM 0 comments

सधैँ साँझमा उनको याद आउँछ

सधैँ साँझमा उनको याद आउँछ

राजेन्द्र तारकिणी
    बैतडी 

      

त्यही माझमा गुनको याद आउँछ

पूर्णिमाबिना तारालाई हेर्दा
खल्लो रातमा जूनको याद आउँछ

रिसाएर उनी भन्थिन् यसो–
गहुँ पिसानमा घुनको याद आउँछ ?

मणि जडेको फुली थ्यो उनको
बाटुलो नाकमा सुनको, याद आउँछ

यादहरूमा म घुल्न थालेँ, अब
यादै यादमा कुनको याद आउँछ !

राजेन्द्र तारकिणी

        बैतडी 

सुन्दुर सुदुर पश्चिम 

Posted by हाम्रो बैतडी .बलगस्पोट .कम 6:37 AM 0 comments

मानबता को भावना, सिद्धिएको समाजमा छ

मानबता को भावना, सिद्धिएको समाजमा छ!

मुना मन सिग्देल ..
.मोरंग उर्लाबारी

कति सहयोगी मन, पिटिएको समाज छ!! 

ठुला बडाहरुको भोज हुन्छ त्यो महल भित्र!
छेउमा भोकमरीले, थिचीएको समाज छ!! 

आधुनिकताको बाहानामा बिग्रेको सस्कृति!
हेर आफ्नु पन पनि, उजाडिएको समाज छ!!

हत्या हिंसा आत्याचारले शिमाना नाघे पछी !
युबा शक्ति हरु सबै, बिदेसिएको समाज छ!!

बुद्ध जन्मिएको देशमा अशान्ति फैलि अब!
कयौं नारीको सिउदो पुछिएको समाज छ!!

मुना मन सिग्देल ..
.मोरंग उर्लाबारी =४
हाल -ईजरायल

Posted by हाम्रो बैतडी .बलगस्पोट .कम 11:57 AM 0 comments

मै हुँ भन्ने मान्छे पनि, भित्र भित्रै ढलेकै छ॥

मै हुँ भन्ने मान्छे पनि, भित्र भित्रै ढलेकै छ॥

"बिखर्ची राम"
चितवन, माडी,नेपाल

थोरै अतित छुवाई दिँदा,अनायासै गलेकै छ॥

हेर्दा शान्त सागर झैं,एकान्तमा छटपटीले।
छातीभित्र अग्नि ज्वाला,दिनरात जलेकै छ॥

यो संसारको रित यस्तै,जीवनरथ धान्न लाई।
जस्तोरोप्यो जिन्दगी यो,सँधै उस्तै फलेकै छ॥

कर्म गर्न छाडी सबले, आदर्श झन् भजाएर।
सबै भन्छन योभाग्यले,आफैंलाई छलेकै छ॥

देशै छाडी मुग्लानमा, भासिएछ राम भन्छौ?
छामीहेर मेरो धड्कन,तिम्रै निम्ति चलेकै छ॥

"बिखर्ची राम"
चितवन, माडी,नेपाल
हाल:मरुभूमिको छातीबाट

Posted by हाम्रो बैतडी .बलगस्पोट .कम 11:25 AM 0 comments

सबै लग्यो बाढीले यो पीर बगाएन

सबै लग्यो बाढीले यो पीर बगाएन

गौरब श्रेष्ठ “मनकुरा”
हरिबन ५

आभाबमा डडेको लकिर बगाएन

बास बग्यो लाश नि आँखा अघाडिनै
आतंकले छापेको तस्बिर बगाएन

झनै थप्यो कालिले ब्यथा दर्चुलाको
प्रकृतिको अन्याय जन्जीर बगाएन

भन्ने गर्थे सुर्ये नि डुब्नै मात्र आउछन्
साचै रैछ पश्चिमको तक्दिर बगाएन


गौरब श्रेष्ठ “मनकुरा”
हरिबन ५ सर्लाहि
जनकपुर

Posted by हाम्रो बैतडी .बलगस्पोट .कम 11:19 AM 0 comments

रुढी बढी समाजमा खलबल बने म ।

रुढी बढी समाजमा खलबल बने म ।

सुमित्रा अधिकारी "शिरु"गोरखा

मद्होस पार्ने जवानीले पागल बने म ।।

यी आँखामा छायौ तिमी मुटु भित्रै पस्यौ ।
नजानिदो तवरले फसी कायल बने म ।।

हावा सरि उडी दिन्थें तिम्रो साथ पाए त ।
डुल्छ यो मन गगनमा बादल बने म ।।

हृदयको ढुकढुकीले बोलाउछ तिम्लाई ।
भासिए झैँ भयो मुटु असफल बने म ।।

नजरमा जादु रैछ भुतुक्कै पार्ने रुप नि ।
नछुट्ने गरी यै मायामा अटल बने म ।।

सुमित्रा अधिकारी "शिरु"

        गोरखा

Posted by हाम्रो बैतडी .बलगस्पोट .कम 10:54 AM 0 comments

कति माया गर्छु तिमिलाई छैन कुनै सिमा

कति माया गर्छु तिमिलाई छैन कुनै सिमा 

शान्ति पाख्रिन तामांग 

नुवाकोट त्रिसुली ८

हरेक रात पाउछु तिमिलाई मेरो सपनीमा

चोट लाग्दा तिमिलाई पिडा हुन्छ मलाई
कहीले बुज्छौ मेरो माया सोच्छु अधेरिमा

सुरु हुन्छ मेरो दिन रात पनि तिमी बाट
राखेकि छु तिमिलाई यो मन्को तरेलीमा

हावा बहुन्जेल अनि यो ढुकढुकी चलुन्जेल
गरिरहन्छु सधै माया सजाई राखी छातीमा

अमर होस् हाम्रो माया कहीले पनि नमर्ने
लेख्ने छैन कथा बनाइ सादा रुपी कापीमा

शान्ति पाख्रिन तामांग 

नुवाकोट त्रिसुली ८

राइसिङ बजार

हाल इजरायल

Posted by हाम्रो बैतडी .बलगस्पोट .कम 12:02 PM 0 comments

सोझा सिधा जनतालाई नचाउन सक्छौ अब

कोमल भट्ट

पुरानो नैकाप,काठमाडौँ

सोझा सिधा जनतालाई नचाउन सक्छौ अब निर्दलको हल्ला खल्ला मचाउन सक्छौ अब जाली,झेली,कुकर्मी र अपराधी भए पनि बन्धु बान्धव रैछन भने बचाउन सक्छौ अब विरुद्धमा बोले भने गोर्खे लौरी उजायेर प्रहार गर्दै ढाड सबको भँचाउन सक्छौ अब रुघा मात्रै लागे पनि शाखासन्तान जम्मा गर्दै बिदेश तिरै पुर्याएर जँचाउन सक्छौ अब यो देशको महामात्य जे गर्न नि हुन्छ भन्दै कोष जति रित्याएर पचाउन सक्छौ अब कोमल भट्ट पुरानो नैकाप,काठमाडौँ हाल:-न्युयोर्क,अमेरिका

Posted by हाम्रो बैतडी .बलगस्पोट .कम 8:12 AM 0 comments